सोनू सूद बलिउडका एक यस्तो अभिनेता हुन्, जसमा फ्यानहरूले आफ्नो जीवन बिताउँछन्। तर फ्यानको मनमा बसेका सोनु सुदले अहिले केही यस्तो गरेका छन् जसको लागि उनले प्रशंसा मात्रै नभई गाली पनि पाइरहेका छन् । हो, सोनू सूदले केही दिन अघि ट्रेनबाट एउटा भिडियो सेयर गरेका थिए । अभिनेताको उक्त भिडियोमा रेलवेले उनीप्रति असन्तुष्टि व्यक्त गरेको छ ।
सोनू सूदले १३ डिसेम्बरमा आफ्नो सोसल मिडिया ह्यान्डलमा ट्रेनबाट एउटा भिडियो सेयर गरेका थिए । भिडियोमा सोनु सुद तीव्र गतिमा गुडिरहेको ट्रेनको गेटमा बसेर यात्रा गरिरहेको देख्न सकिन्छ । सोनु गेटको ह्यान्डल समातेर आफ्नो ट्रेन यात्राको मजा लिइरहेको देखियो। तर उनको यस्तो यात्रा धेरैलाई मन परेन ।सोनूको यो भिडियोमा प्रतिक्रिया दिँदै उत्तरी रेलवेले अभिनेतालाई कडा सन्देश दिएको छ।
रेलको गेटमा बसेर यात्रा गर्नु निकै खतरनाक भएको रेलवेले जनाएको छ । सोनूको भिडियो रिट्वीट गर्दै उत्तरी रेलवेले लेख्यो- प्रिय सोनू सूद, तपाईं देश र विश्वका करोडौं मानिसहरूको लागि आदर्श हुनुहुन्छ। रेलको फुटबोर्डमा बसेर यात्रा गर्नु खतरनाक हुन्छ। यस प्रकारको भिडियोले तपाइँका प्रशंसकहरूलाई गलत सन्देश पठाउन सक्छ। कृपया यो नगर्नुहोस् सहज र सुरक्षित यात्राको आनन्द लिनुहोस्।
