महोत्तरी । दाइजोसम्बन्धी कसुरमा डा। पंकज चौधरीलाई जेल चलान भएका छन् । शुक्रबार भएको थुनछेक बहसमा जिल्ला अदालत महोत्तरीका न्ययाधीश हरिप्रसाद शर्मा उपाध्यायको एकल इजलासले डा। चौधरीलाई पुर्पक्षका लागि थुनामा पठाउन आदेश दिएको हो ।
उनकी पत्नी औरही–१ की २१ वर्षीया नेहा चौधरीले दायर गरेको दाइजोसम्बन्धी कसुर मुद्दामा जिल्ला अदालत, महोत्तरीले आदेश दिएको हो। नेहाले दाइजोमा घर माग्दै हिंसा गरेको भन्दै नेहाले जिल्ला प्रहरी कार्यालय महोत्तरीमा जाहेरी दिएकी थिइन् ।
त्यस्तै गत कात्तिक २५ मा फेसबुकमार्फत् दाइजोका नाममा श्रीमान र परिवारका अन्य सदस्यले आफूमाथि हिंसा गरिरहेको बताएकी थिइन् । यता, नेहाका श्रीमान्ले भने उनीविरुद्ध डिभोर्सको मुद्दा दायर गरिसकेका छन् ।
गत वर्षको फागुन २५ गते नेहा र पंकजबीच सामाजिक परम्परा अनुसार विवाह भएको थियो । चौधरीले ग्रान्डी अस्पतालमा काम गर्दै आएका थिए । पछि पत्नीलाई हिंसा गरेका खबर बाहिर आएपछि अस्पतालले निकालिदिएको थियो ।
