सर्टिफिकेट नहुँदा ब्रिटेनमा रोकियो फिल्म ‘द केरला स्टोरी’ • Osvevo

सर्टिफिकेट नहुँदा ब्रिटेनमा रोकियो फिल्म ‘द केरला स्टोरी’

Osnepal May 15, 2023
0

मुम्बई, १ जेठ । सुदीप्तो सेनको फिल्म ‘द केरला स्टोरी’लाई लिएर भएको विवाद अब केवल भारतमामात्र सीमित रहेन, यो विवाद ब्रिटेनमा पनि पुगेको छ ।

ब्रिटिस बोर्ड अफ फिल्म क्लासिफिकेसन ९बिबिएफसी०ले यो फिल्मलाई प्रदर्शनअघि कुनै पनि सर्टिफिकेट दिएको छैन ।

फिल्मले सर्टिफिकेट नपाएपछि त्यहाँका भारतीय समुदाय आक्रोशित भएका छन् । यद्यपि बिबिएफसीले बिक्री भएका सबै टिकटको पैसा फिर्ता गरिदिएको छ भने फिल्मको सार्वजनिक समय पनि पछि सारेको छ ।

यो फिल्म ब्रिटेनको ३१ थिएटरमा हिन्दी र तमिल भाषामा मे १२ मा रिलिज हुने तयारीमा थियो । तर सबै थिएटरका वेबसाइटमा यसको टिकट बिक्रीमा रोक लगाएर सबै शो रद्द गरिएको छ ।

सलोनी नामकी दर्शकले गत बुधबार सिने वल्र्डमा फिल्म हेर्नका लागि ३ टिकट किनेकी थिइन् । तर शुक्रबारमात्र उनलाई एक इमेल आयो, जहाँ उमेर सर्टिफिकेसनको कमीका कारण बिबिएफसीले द केरल स्टोरीको बुकिङ रद्द गरिएको उल्लेख थियो । उनका अनुसार ब्रिटेनमा रहेका अधिकांश भारतीयले फिल्म हेर्ने योजना बनाएका थिए । जसका लागि थिएटर ९५ प्रतिशत बुक भइसकेको थियो ।

बिबिएफसीले भने फिल्मका लागि अहिले पनि सर्टिफिकेसनको प्रक्रिया चलिरहेको जनाएको छ । उसले फिल्मको उमेर रेटिङ र एडभान्स कन्टेन्ट प्राप्त भएमा फिल्म यूकेका थिएटरमा देखाइने बताएको छ ।

Leave a Reply

Your email address will not be published. Required fields are marked *

भर्खर