नक्कली भूटानी शरणार्थी प्रकरणमा संलग्न सबैलाई कडा कारबाही हुनुपर्छ - राजेन्द्र लिङ्देन • Osvevo

नक्कली भूटानी शरणार्थी प्रकरणमा संलग्न सबैलाई कडा कारबाही हुनुपर्छ – राजेन्द्र लिङ्देन

LC (KTM) May 19, 2023
0

काठमाडौँ – राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले नक्कली भूटानी शरणार्थी प्रकरणमा संलग्न सबैलाई कडाभन्दा कडा कारबाही गर्नुपर्ने बताउनुभएको छ ।

पार्टीले भ्रष्टाचारविरुद्ध वसन्तपुरमा बिहिबार आयोजना गरेको कार्यक्रममा उहाँले उक्त प्रकरणमा संलग्नलाई संरक्षणको प्रयास भइरहेको बताउँदै भ्रष्टाचारीविरुद्ध सबै एकजुट हुनुपर्ने बताउनुभयो ।

विदेशी चासोका कारण शरणार्थी प्रकरण अनुसन्धान अगाडि बढेको भन्दै यस प्रकरणमा कसैलाई पनि छुट दिन नहुने र राष्ट्रघाती काम गर्ने सबैलाई दण्डित गर्नुपर्नेमा उहाँले जोड दिनुभयो ।

अध्यक्ष लिङ्देनले आफ्नो पार्टीको नेतृत्वमा हिन्दू राष्ट्र र संवैधानिक राजसंस्था पुनःस्थापित गर्न देशभर अभियान गरी जनतालाई मुलुकको वर्तमान अवस्थाबारे सुसूचित गराउने जानकारी दिनुभयो ।

Leave a Reply

Your email address will not be published. Required fields are marked *

भर्खर