काठमाडौं – ललितपुर जिल्लाले आजदेखि लागु हुने गरी निषेधाज्ञा जारी गरेको छ । मंगलबार एक सूचना जारी गर्दै ललितपुर महानगरपालिका ३ पुल्चोकस्थित युएन हाउस र मन्त्री निवासकोको सुरक्षा संवेदनशिलतालाई ध्यानमा राखेर निषेधाज्ञा तोकिएको हो ।
६ महिनासम्मका लागि पाँचजना भन्दा बढी भेला हुन, नारा जुलुस, प्रदर्शन र घेराउ, अनसन, सभाजस्ता आन्दोलन वा विरोधका कार्यक्रम गर्न निषेध गरिएको प्रमुख जिल्ला अधिकारी रुद्रप्रसाद पण्डितले जारी गरेको आदेशमा बताइएको छ ।
